 |  | |
| الشاعر ابراهيم بن صالح ابراهيم العواد في أمسية الملتقى الثاني لقبيلة الكثران والمقام في مدينة مرات 20/11/1429 هـ والتى كان من بين شعارها شاعرنا ابو عمر كان له حضور مميز بقصائد متنوعة ولعلنا هنا نسلط الضوء على قصيده بحمولته العـواد ابـدا بذكـر الله كريـم العطايـا :: واستغفرة من كل ذنب وتقصيـر يابنت لاعـدو رجـال المنايـا :: حنا من العـواد زبـن المكاسيـر خلي علوم مشاهديـن المرايـا :: وخوذي علوم رجال ربع مشاهير نزوم عن هرجات بعض البرايا :: ونهد هدات الضراغم على الغيـر صغيرنا ينشـا بعـذب الرزايـا :: وكبيرنا حلال صعـب المعاسيـر وفقيرنا يعطـي كريـم الهدايـا :: وغنينا يزرع كما بـذرة الخيـر والموت لحثرب بقـر الحنايـا :: جينا من اقصانا سحـاب مزابيـر كل من العـواد ياخـذ سجايـا :: وكل من العواد ياشيـخ أو ميـر يابنت انا ماقلـت كـل المزايـا :: ياحيث ربعي فوق وصف وتعبيـر أقولها وابصم وابدينـي ملايـا :: انتم هلي ربعي هل الطيب والخير وصلاة ربي على خير البرايـا :: اللي هدانـا بعـد ظلمـه لتنويـر | ||
 |  |
 |  | |
غموض قولي حقيقة حبنا وارحميني = لاطايل حبك ولاشفت تقصير ماأقدر أفسر نظرتك ياضنيني = نظرة عيونك تحتمل إلف تفسير ليتك كثر مابيك أنتي تبيني= ولإيجي في دنيتي أي تغيير أعيش بك وياك باقي سنيني=دنياي أنتي ماتجي دنيتي غير ليت المشاعر واضحة بالجبيني=القى غلاي الصبح ويزدادني عسير أنت ورى الفجوات بينك وبيني=لاهي قريبه أو بعيده مشاوير إما حبيبه صادقه واتبعيني=ولانتفارق كل منا على خير أصدق مشاعر شفتها وسط عيني= بأحلام نومي عشت أجمل تباشير شعر / ابراهيم بن صالح ابراهيم العواد ابوعمر | ||
 |  |
 |  | |
قصيدة كتبها ابوعمر في يوم زواج الشاعر محمد بن حسين الكثيري مبـروك يامحمـد وافـي المواجيـب=راعي الخصـال الوافيـة مـع خويـه ومن عادتي اجزي هل الطيب بالطيـب=باخـلاص نوفـي والمعـزة سـويـه سلام (ن) اطيب من فياض(ن) معاشيب=واحلى من السكـر لنفـس(ن) شهيـه جيتك مـن العـواد احمـل تراحيـب=ماشرق شعاع الشمس واغرب عشيـه جيتـك ابـارك ياعطيـب المضاريـب=ياللي على الطـولات كاسـب سجيـه جدك بصيـص يـوم يرقـا المراقيـب=اخذتهـا مـنـه وصــارت مـزيـه او كن ابن عـروج معطيـك تنصيـب=يامحمد ابن حسيـن .. قـود السريـه ياشعيل جدك خلـف الذيـب والذيـب=خلـف رجـال(ن) ماتهـاب المنـيـه وسـلام منـي يـاكـرام الأشانـيـب=احلى مـن المـاء للكبـود الضميـه علـى الأقـارب بالقصـر والأجانيـب=قصر الريـاض اللـي تعالـى بضيـه ومن لبنـي خالـد رجـال التجاريـب=كبار البيوت اهـل السمـوت العليـه اخصهـم بازكـى محبـة وترحـيـب=لا جيتهـم تلقـى البشاشـة نقـيـه ودعيت من هو يعلـم السـر والغيـب=تعيش يابـن حسيـن باسـرة هنيـه | ||
 |  |
 |  | |
ابدع ابوعمر في قصيدتة في ملتقى قبيلة الكثران الثالث بالافلاج 3 يارب يا معبود ناصر هـل الديـن =ياواحد(ن) كـل المـلا تلتجيلـه الواحد المطلـوب مرسـل نبييـن=تعزنـا بالديـن عـن كـل ميلـه بطنيـن بالكثـران دوم متعليـن=نبهان والعساف نفـس الفصيلـه حنا ترى الكثران نسل السلاطيـن=وحنا مصابيـح الظـلام ودليلـه وحنا رجال تبدل العسـر بالليـن=وحنا امروية السيـوف الصقيلـه بالحرب لا ثرنـا ترانـا براكيـن=وبالسلم عزوة للحمـول الثقيلـة تدرون ليش اليوم حنـا سعيديـن=بارفع بها صوتـي ويالله نشيلـه يا سعد حظي جيت بين الجذاليـن=اهل العقول الراجحـة والاصيلـه من عاشر الجذلان حاز الملاييـن=ومنهو يعاديهم ترى عزتـي لـه ابروسهم ترجح جميع الموازيـن=اهل المراجل والفعـول الجزيلـه ان جيتهم اصبحت في محجر العين=وان غبت منجوم(ن) مضيع دليله اهل الكرم والطيب واهل المياديـن=عاداتهـم دايـم بكسـب النفيلـه وعلومهم تبقى وتكتـب عناويـنغن=ا بها الشعار فـي كـل شيلـه كل(ن) تلاقي بالبشر لـه مثيليـن=واللي من الجـذلان مابـه مثيلـه وختامها بدعي وقولو لـي اميـن=نبقى على التقوى وعـز القبيلـه ابراهيم العواد _ ابوعمر | ||
 |  |
| | |
قيلت هذه القصيدة في وفاة المرحوم أمير الهلالية وعميد أسرة العــواد الشيخ ابراهيم بن صالح بن ابراهيم العــواد رحمة الله واسكنه فسيح جناته بتاريخ 26 / 4 / 1407 هـ جاني خبرك وخيم الحـزن بسكـات=والكل عقبك يحسب انـي بنومـاس هز الخبر جوفي على فايتـن فـات=وهز الذي معروف في شدة البـاس والله ياجـدي فـلا أنسـاك لوفـات=عمرن كثر عمري بلاضحك واوناس الناس ناسينك وأنـا اقـول مامـات=مامات من خيره شمل غالب النـاس وما مات من خلف مع الناس رايات=مامات من فعله تنومس بـه الـراس شيخ الكرم والجود شيـخ المـروات=شيدت عهدك من قديمن على سـاس ياجـدي ابراهيـم ماقـلـت زلات=علمت من حولك بحكمـة ومقيـاس جدي حكيم الـرأي عنـد الملمـات=يشهد له التاريخ في وسط قرطـاس يالله ياخالـق حسـانـي وسـيـات=يارازق المحتاج فـي لجـة اليـاس تكتب لابن عواد راعـي الجمـالات=خضر الجنان اللي بها الحور والكاس ابراهيم العواد - ابوعمر | ||
| |
 |  | |
اتصل الشاعر ابراهيم العواد ابوعمر على الشاعر محمد بن حسين الكثيري ولم يرد لانشغاله وبعد اسبوع اتصل ابوحسين ولم يرد ابوعمر فارسل ابوحسين يبارك لشاعرابوعمر بمناسبة مولوده حبيت ابارك لك وازف التهاني=ولا دري علامك ماتشيل التلفون يابوعمر خل الكبر وانت فانـي=قبلك ذبح فرعون طغيان فرعون واليا فهمت اللي تقول المعانـي=عطني جوابك قبل للناس يدرون رد ابو عمر حي الجواب اللي وصلني وجاني=من واحد عايش مع الناس مجنون يامحمد بن حسين ليتـك تعانـي=باللي احسة من بزارين وديـون انت متهني دوم تسمـع اغانـي=وانا من اللوعات والهـم مدفـون رد ابوحسين يومك تعاني من صدوف الزماني=ماهوب لازم للضحايا تشـرون راتبك يصفق له عشر مع ثماني=والدور من فوقك مأجر ومسكون مابي تغير وضعك بوضع ثانـي=تستاهل اللي جاك وابليس ملعون رد ابوعمر بعد ماصاده ابوحسين باجار الدور الرزق واجد لكن الضيق جانـي=يومي على الفزعات مارد مغبون انا كثيـري والكثيـري يعانـي=ياكود للضيفان يملا له صحـون ماني مثل غيري اغبي مكانـي=يرتاح بالي دامو الناس يلفـون رد ابوحسين ترا الرجل عند المواقف يبانـي=وانته كفو تنشتال ماشالت متون لك شان عندي ماهو أيات شاني=خل المهايط واستمع مايقولـون الجدي مايشبه سهيـل اليمانـي=ولو يشبهه كان الدلايل يضيعون رد ابو عمر ماهو مهايط يازبـون العمانـي=انا مواقف عز والناس يـدرون الفرق واضح بين ذيبن وضاني=وان كان ماتدري ابكويك بالهون كان المراجل ماعليها ضمانـيي=اولله اللي صار بك شك وظنون رد ابوحسين الشاعر اللي في بلاه ابتلانـي=عجل وفاته يومها شق وطعون لاتسبق الاحداث يالمودمانـي=يوم الغنايم مكسب لناس يسعون لاعاد تنظر ياولـد للحصانـي=اللي على الشدات ماهم يسرون رد ابوعمر يامال فرقا العين كـان تعصانـي=وانا من اللي فالمواقـف يسـرون يـوم الدعـاوي بيننـا بالمعانـي=يامحمد ابن حسين لاتصير مشحون ان ما عقلت اليوم وجيت بتفانـي=ترى السجن عندي وللباب كيلـون رد ابوحسين ياحول يادنيـن تعـز الانانـي=والا الكريم تذلـه وتتركـه دون والشايب اللي في عياره رمانـي=قام يتغنابي ويضحك بلا سنـون اثر الزمان الجاي ماهو زمانـي=مدام ابن عواد عايش على الكون رد ابوعمر مدام ابـن عـواد فـوق المبانـي=يصبح ترى غيرة من الناس مدفون صيته وصل مابين قاصي ودانـي=وانته غريرن بالقوافـي ومفتـون هذا الزمان اللي عرفتـه زمانـي=ماهو زمان اغراب وقرود وشيون انتها المراد وكان مزاحا بين الشاعرين [/ COLOR] | ||
 |  |
 |  | |
لعبت الدنيا انا شكيت الهم بأقصى المعاليق = واونس بصدري من كثير البلاوي تلعبِ الدنيا...الا كيف ما تليق= ماقوى عليها كل وقتي اراوي ان جيت اعدلها تزيد المغاليق = وان جيت اميلها تزيد الهقاوي هذا زمان (ن) صار يزداد بي ضيق= ياالله عساها تنفرج ذا الشقاوي ياما خذيت العهد وصدق المواثيق = ولا لقينا في هوانا التداوي ماعاد لك وقت (ن) ولا تبلع الريق = غديت كني مهمهين خلاوي نفسي عليله واتصبر ترافيق = ياحيث صبري مل كثر الرجاوي دنيا (ن) تجيب همومها دون تفريق= وعايشتها مع حزنها بالتساوي | ||
 |  |
 |  | |
ابدع ابوعمر الشاعر ابراهيم العواد بقصيدته التى خصها لابناء قبيلة الكثران المشاركين بالدفاع عن الوطن | ||
 |  |
| | |
السعـودي للوطـن دمـه يثـور=مقدمن روحة على كل الصعـاب دمه اللي ينثـرة مثـل البخـور=بالمعـارك مايحسـب مايهـاب والحيايا وان تخبـت بالجحـور=للحيايا كـم كسرنـا كـم نـاب من معزي ورثنا قطـع النحـور=ومن نوى فينا الردى يلقى الجواب معزي اللي سطر المجد بسطـور=سطرة بالسيف الاحدب والكتـاب والملوك اللي على مر العصـور=ترسم المنهج بحنكة مـا تغـااب علمونا كيف ندحـر كـل جـور=وكيف نفتح للتسامح الـف بـاب ياجنود العز في وقت الحضـور=الله اكبر رايـة العـز المجـاب نصركم اصبح مؤكـد ومخبـور=اركزو الرايه على ذيك الهضاب وان تسلل للوطن كلبـن سعـور=جندنا اللي داحرن كـل الكـلاب والكثيري هدتـه بيـن الصقـور=يكفخ الجنحان مايحسب حسـاب وربعـي اللـي ماتولـي لدبـور=تارد حيـاض المنايـا ماتهـاب الغعايل تختلف عـن قـول زور=وربعي اللي فعلهم ماهو سـراب وشعبنا عند المواقف شـع نـور=من صغير ومن كبير ومن شباب والشهيد اللي اندفن وسط القبـور=يرزقـه ربـي بجنـات وثـواب الوطن محفوظ في وسط الصدور=لو تروح ارواحنا بقطع الرقـاب | ||
| |
